Şirvan Apellyasiya Məhkəməsində iki nəfərin qətlində təqsirləndirilən Nəsirov Rövşən Eyvaz oğlunun apellyasiya şikayətinə baxılıb.
ONA-nın Mil-Muğan bürosunun məlumatına görə, hakim Kamil Bəşirovun sədrliyi ilə keçirilən prosesdə təqsirləndirilən şəxsin şikayəti təmin edilməyib, birinci instansiya məhkəməsinin qərarı qüvvədə saxlanılıb.
Qeyd edək ki, Beyləqan rayon sakini, Rövşən Nəsirov 2018-ci il aprelin 3-də Beyləqan sakini, 1979-cu il təvəllüdlü Ramilə Əsədovanın yaşadığı mənzilə oğurluq məqsədilə girib. Bu zaman qadınla əlbəyaxa olan Rövşən Nəsirov onu çoxsaylı bıçaq zərbələri ilə öldürüb. Qadını öldürəndən sonra evdən pul və qızıl götürərək oranı tərk edib. İki gün sonra həbs edilən R.Nəsirovun ətrafında aparılan əməliyyat tədbirləri ilə onun törətdiyi digər ağır cinayətin də üstü açılıb. Məlum olub ki, R.Nəsirov 2017-ci il oktyabr ayının 19-da həmyerlisi Kənan Məhərrəmovu da qətlə yetirib.
Lənkəran Ağır Cinayətlər Məhkəməsinin hökmü ilə Rövşən Nəsirov ömürlük azadlıqdan məhrum edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
