Bakı-APA. ABŞ-ın Las Veqas şəhərinin mərkəzində hərəkətdə olan iki avtomobil sərnişinləri arasında atışma baş verib, nəticədə üç nəfər ölüb, bir neçə nəfər isə yaralanıb.
APA-nın “BBC”yə istinadən verdiyi məlumata görə, polis açıqlamasında bildirib ki, atəşi “Range Rover” markalı avtomobildə olan şəxslər “Maserati” markalı avtomobilinin sürücüsünü öldürmək məqsədi ilə açıb.
Avtomobillər yüksək sürətlə hərəkət edib. “Maserati”nin sürücüsü yaralandıqdan sonra avtomobil, taksi daxil olmaqla, bir neçə maşınla toqquşub. Taksi qəzadan dərhal sonra alışıb və partlayıb.
“Maserati”nin sürücüsü aldığı yaralardan yerindəcə keçinib, “Range Rover” isə hadisə yerindən uzaqlaşıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
