Rövnəq Abdullayev Anqola nümayəndə heyətini qəbul edib

Rövnəq Abdullayev Anqola nümayəndə heyətini qəbul edib
# 21 iyul 2016 15:04 (UTC +04:00)

Bakı. Yeganə Laçınzadə - APA-Economics. SOCAR prezidenti Rövnəq Abdullayev Anqolanın “Sonangol Hidrocarbonetos İnternacional” şirkətinin prezidenti və baş icraçı direktoru Frederiko Ferraz Dominqosu və həmin şirkətin baş icraçı direktorunun müavini Filomena Santos Oliveiranı qəbul edib.

SOCAR-dan “APA-Economics”ə verilən xəbərə görə, R.Abdullayev qonaqlara SOCAR-ın inkişaf tarixi, statusu, əsas fəaliyyət istiqamətləri, ölkə daxilində və xaricdə həyata keçirdiyi layihələr barədə ətraflı məlumat verib.

F. F. Dominqos vaxtilə Azərbaycan Neft və Kimya İnstitutunda (indiki Azərbaycan Dövlət Neft və Sənaye İnstitutu) təhsil aldığını qeyd edərək, yenidən Bakıda olmağından böyük məmnunluq duyduğunu söyləyib. O, aradan keçən 20 ildən artıq bir müddətdə Bakının tanınmaz dərəcədə dəyişib gözəlləşdiyini, əsl Avropa şəhərinə çevrildiyini vurğulayıb. Azərbaycanda təhsil almış kadrların Anqola neft-qaz sənayesinə mühüm töhfə verdiyini diqqətə çatdıran qonaq rəhbərlik etdiyi şirkət haqqında ətraflı məlumat verib, yataqların kəşfiyyatı, işlənməsi, hasilatı və digər fəaliyyət növləri üzrə Anqola daxilində, habelə xaricdə - Meksika körfəzi, Kuba, Braziliya, Birləşmiş Ərəb Əmirlikləri, Mozambik və digər ölkələrdə həyata keçirdikləri layihələr barədə təqdimat keçirib. Qonaqlar Azərbaycan Dövlət Neft Şirkəti ilə əməkdaşlığın qurulmasında maraqlı olduqlarını bildirib, bunu öz şirkətlərinin strateji inkişafı üçün mühüm hesab etdiklərini vurğulayıb.

SOCAR prezidenti R. Abdullayev Azərbaycanda beynəlxalq şirkətlərin fəaliyyəti üçün geniş imkanlar yaradıldığını, əlverişli investisiya şəraitinin mövcud olduğunu qeyd edərək, SOCAR-ın bir sıra regional və qlobal miqyaslı layihələr çərçivəsində dünyanın aparıcı neft-qaz şirkətləri ilə səmərəli əməkdaşlıq qurduğunu və bu əməkdaşlığın Azərbaycanın iqtisadi maraqlarına uğurla xidmət etdiyini bildirib. SOCAR prezidenti Anqola şirkəti ilə əməkdaşlıq perspektivlərinin ölkələr arasında münasibətlərin inkişafına böyük töhfə verə biləcəyini deyib.

Görüşdə tərəfləri maraqlandıran digər məsələlər ətrafında da maraqlı fikir mübadiləsi aparılıb.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR