Bakı. Şəhriyar Əlizadə - APA. Bakı Ağır Cinayətlər Məhkəməsində narkotik vasitələrin qanunsuz dövriyyəsində təqsirləndirilən Ağahüseyn Ağamovun cinayət işi üzrə məhkəmə prosesi başa çatıb.
APA-nın məlumatına görə, prosesdə hökm oxunub. Hökmə əsasən, A. Ağamov 6 il müddətinə azadlıqdan məhrum edilib.
Qeyd edək ki, iyulun 26-da Bakının Maştağa qəsəbəsində narkotik plantasiyası aşkarlanıb. Narkotiki əkib-becərən qəsəbə sakini 53 yaşlı Ağahüseyn Ağamov tutulub.
Polis əməkdaşları onun yaşadığı Maştağa qəsəbəsi, Xanlar küçəsindəki həyətyanı sahədən ümumi çəkisi 28 kiloqram 300 qram olan 201 ədəd çətənə kolu və 960 qram qurudulmuş marixuana aşkar edərək götürüblər. O, istintaqa narkotiki həyətində xüsusi aqrotexniki qulluq vasitəsilə əkib-becərdiyini etiraf edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
