Nəqliyyat Nazirliyi «Azəryolservis» ASC-nin mətbuat xidmətinin rəhbəri Pünhan Mürsəliyev «APA-Economics»ə bildirib ki, sement daşıyan yük avtomobillərinin hərəkəti nəticəsində körpünün aşırım tirləri sınmış, körpü yararsız vəziyyətə düşmüşdü.
Martın 7-də körpüdə əsaslı təmir işlərinə başlanıb və 15 gün ərzində işlər başa çatdırılıb. Təmir işləri çərçivəsində körpünün bütün 18 aşırım tirləri dəyişdirilib, dayaqlar gücləndirilib, o cümlədən armaturlanma işləri görülməklə betonlanıb.
Körpünün üst hissəsində asfalt beton da bərpa olunub. Məhəccərlər dəyişdirilib, beton bardürlər dəmirlə əvəzlənib.
Körpünün uzunluğu 49 metr, eni 9 metrdir. Bunun 7 metrini hərəkət hissəsi, 2 metrini isə hər tərəfdən 1 metr olmaqla piyadalar üçün səkilər təşkil edir.
Körpü bu gün saat 16.00-da istismara verilərək, bütün növ nəqliyyat vasitələri üçün açılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
