Bakı. Gülnar Bəşirova - APA. Bakı şəhəri üzrə Təhsil İdarəsinin Ağsaqqallar Şurası yaradılır.
APA-nın xəbərinə görə, bunu Bakı şəhəri üzrə Təhsil İdarəsinin Beynəlxalq əlaqələr və ictimaiyyətlə əlaqə sektorunun müdiri Arzu Tairquliyeva bu gün keçirdiyi mətbuat konfransında deyib.
O bildirib ki, bu addım yeniyetmə və gənclərin vətənpərvərlik ruhunda tərbiyə olunması, gənclər arasında aparılan tərbiyəvi işlərin miqyasını genişləndirmək vacibliyini nəzərə alaraq baş tutub.
A.Tarquliyevanın sözlərinə görə, Ağsaqqallar Şurası təhsil ictimaiyyətinin rəyin nəzərə almaq, təhsil verənlərin və təhsil alanların problemlərini təcrübəli insanlar tərəfindən qiymətləndirmək və mövcud məsələlərin həllində şəffaflığı təmin etmək məqsədi ilə yaradılıb: "Ağsaqqallar Şurasına üzvlər yüksək ixtisaslı pedaqoqlar, ictimaiyyət arasında nüfuz sahib olan təhsil işçiləri və ekspertləri daxil olacaq. İdarənin tərkibində məşvərətçi orqan kimi fəaliyyət göstərəcək Şura nəsilləri birləşdirən rabitə rolunu oynayaraq, təcrübənin gənc nəslə ötürülməsi kimi mühüm vəzifə daşıyacaq".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
