Bakı-APA. Türkiyənin Bingöl vilayətində PKK terror təşkilatının silahlıları ilə təhlükəsizlik qüvvələri arasında baş verən atışma nəticəsində 2 polis və 1 mülki şəxs yaralanıb.
APA-nın “Anadolu” agentliyinə istinadən verdiyi xəbərə görə, insident Bingöl-Elazığ yolunun Kurudere kəndi ərazisindən keçən hissəsində baş verib.
Məlumata əsasən, terrorçular yolu bağlamağa cəhd edib. Polisin "təslim olun" çağırışına terrorçular atəşlə cavab veriblər. Silahlı insident nəticəsində 2 polis əməkdaşı və 1 mülki şəxs yaralanıb.
Bingöl Dövlət Xəstəxanasına çatdırılan yaralıların vəziyyətlərinin kafi olduğu bildirilir.