Bakı. Türbət Bağırova - APA. NATO qüvvələrinin Baltikyanı ölkələrdə dislokasiyası 2017-ci ilin yanvarından başlayacaq.
APA-nın RİA "Novosti" agentliyinə istinadən verdiyi xəbərə görə, bu barədə alyansa yaxın mənbə bildirib.
Qeyd olunur ki, NATO-ya üzv 28 ölkənin müdafiə nazirləri alyansın bir taborunun rotasiya qaydası əsasında Latviya, Litva, Estoniya və Polşaya yerləşdirilməsi barədə razılıq əldə ediblər.
ABŞ-ın NATO yanındakı daimi nümayəndəsi Duqlas Lyutun sözlərinə görə, hər birləşmədə şəxsi heyətin sayı 800-dən 1000 nəfərədək ola bilər və onlar hər 6-9 aydan sonra bir əvəzlənəcəklər.
Alyansın yüksək çinli nümayəndəsi isə jurnalistlərə açıqlamasında taborun dəqiq tərkibinin hələlik müəyyən olmadığını deyib.
Detalların NATO-nun iyulun 8-9-da Varşavada keçirilək sammitində hazırlanacağı bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
