Bakı. Vahab Rzayev – APA-Economics. Bu gün Bakı Fond Birjasında «AXA-Mbask» ASC-nin adi adlı sənədsiz səhmlərinin yeni emissiyasının yerləşdirilməsinə başlanılır.
Birjadan «APA-Economics»ə verilən məlumata görə, emissiyanın ümumi həcmi 5 500 800 manat, bir səhmin nominal dəyəri 382 manat təşkil edir.
Yerləşdirmədə anderrayter qismində «Unicapital» MMC çıxış edir. Yerləşdirmə nəticəsində sığorta şirkətinin nizamnamə kapitalı 63% artaraq 14 233 320 manata çatacaq.