Futbol

Ana səhifə

Futbol

Çempionlar Liqasında 1/8 final mərhələsinin püşkü atılıb

16 dekabr 2011 12:48 (UTC +04:00)

Apasport.az saytının məlumatına görə, futbolsevərlər bu mərhələdə İtaliya və İngiltərənin təmsilçilərinin maraqlı qarşıdurmalarına şahidlik edəcəklər.

Sözsüz ki, ən maraqlı cüt “Milan” – “Arsenal”dır. “Napoli”nin “Çelsi” ilə görüşü də az maraq doğurmayacaq. İtalyanlar qrupda 2-ci yeri tutduqlarından, ilk oyununu evdə keçirməlidir ki, bu da ingilislərə əlavə üstünlük verir.

Rusların isə püşkdə bəxti gətirməyib. Təbii ki, bu, ilk növbədə MOİK-ə aiddir. “Hərbçilər”in Madrid “Real”ın keçmək şansı çox azdır. “Zenit” isə qrupda olduğu kimi, yenə Portuqaliya təmsilçisini sınağa çəkəcək. Çempion “Porto”nu qrupda saxlayan Sankt-Peterburq təmsilçisi bu dəfə vitse-çempion “Benfika”dan güclü olmağa çalışacaq.

Fransanın bürünc mükafatçısı “Lion” isə bəxtinin gətirdiyini deyə bilər. Düzdür, APOEL qrup qalibi olsa da, ÇL-də böyük təcrübəyə malik “Lion” cütün favoriti sayılır.

Turnirin son qalibi “Barselona” “Bayer”lə qarşıdurmada ciddi problemlə üzləşməməlidir. Almaniyanın ən titullu klubu “Bavariya” isə “Bazel”lə görüşdə aşkar favoritdir.

“Lion” (Fransa) - APOEL (Kipr)
“Napoli” (İtaliya) - “Çelsi” (İngiltərə)
“Milan” (İtaliya) - “Arsenal” (İngiltərə)
“Bazel” (İsveçrə) - “Bavariya” (Almaniya)
“Bayer” (Almaniya) - “Barselona” (İspaniya)
MOİK (Rusiya) - “Real” (İspaniya)
“Zenit” (Rusiya) - “Benfika” (Portuqaliya)
“Marsel” (Fransa) - “İnter” (İtaliya)

Qeyd edək ki, 1/8 final oyunları 4 həftədə keçiriləcək. Tarixlər gələn ilin fevralın 14-15, 21-22, martın 6-7-si, 13-14-dür. Bununla da azarkeşlər daha çox oyunları izləmək malik olacaq.