Argentina səfiri Tərcümə Mərkəzində olub

Argentina səfiri Tərcümə Mərkəzində olub
# 13 may 2016 14:57 (UTC +04:00)

Bakı. Cavid Zeynallı – APA. Argentinanın Azərbaycandakı səfiri Karlos Dante Riva Tərcümə Mərkəzində olub.

Mərkəzdən APA-ya verilən məlumata görə, görüş zamanı Tərcümə Mərkəzi ilə Argentina səfirliyinin birgə layihəsi olan Adolf Bio Kasaresin “Morelin ixtirası” əsərinin orijinaldan Azərbaycan dilinə tərcüməsi və nəşri üzrə yekun işlər müzakirə olunub.

Mərkəzin sədri Afaq Məsud bildirib ki, kitab çap prosesindədir, yaxın günlərdə işıq üzü görəcək: “Azərbaycanda Argentina ədəbiyyatına həmişə böyük sevgi və maraq olub. Bu sevgini Azərbaycan oxucusunda böyük Argentina ədibləri oyadıb. Düşünürəm ki, Azərbaycanda ilk dəfə nəşr olunan Kasares də Azərbaycan oxucusu tərəfindən maraqla qarşılanacaq”.

Nəşrin Azərbaycan-Argentina mədəni əlaqələrinin möhkəmlənməsinə əhəmiyyətli töhfə verəcəyini qeyd edən səfir K. Riva isə belə layihələrin gələcəkdə də davam etdiriləcəyini bildirib.

#
#

ƏMƏLİYYAT İCRA OLUNUR