Gəncə. Azər Məmmədli - APA. Gəncə şəhərində silsilə oğurluq edən şəxs saxlanılıb. APA-nın qərb bürosunun verdiyi məlumata görə, Gəncə şəhər Baş Polis İdarəsi və Kəpəz rayon Polis İdarəsi əməkdaşlarının həyata keçirdikləri birgə əməliyyat-axtarış tədbirləri nəticəsində 2012-ci ildən bəri şəhərin müxtəlif ərazilərində 20 fərdi yaşayış evindən qızıl-zinət əşyaları və nağd pul oğurlamaqda şübhəli bilinən Göygöl rayon sakini, 35 yaşlı Ceyhun Məmmədov saxlanılıb.
Aparılan istintaq-əməliyyat tədbirləri nəticəsində müəyyən edilib ki, Ceyhun Məmmədov eyni zamanda yaşadığı Göygöl rayonu ərazisində 8 fərdi yaşayış evinə ayrı-ayrı vaxtlarda daxil olaraq oradan pul və qızıl-zinət əşyaları oğurlayıb.
C.Məmmədov mənzillərdən oğurladığı qızıl-zinət əşyalarını lombarda qoyaraq pul götürüb. Həmin qızıl-zinət əşyalarının bir qismi müxtəlif lombardlardan maddi sübut kimi götürülüb.
Faktla bağlı Gəncə şəhər Baş Polis İdarəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
