Azərbaycan millisinin və “Xəzər Lənkəran”ın sabiq futbolçusu Alim Qurbanov cəzalandırılıb.
Apasport.az saytının məlumatına görə, bu barədə qərarı AFFA-nın İntizam Komitəsi verib.
Qurum “Neftçi”nin U-12 komandasında məşqçi kimi çalışan Qurbanovu 3 matçlıq diskvalifikasiya edib. Buna məşqçinin U-12 Liqasının “Vətən” RİOEUGFM-lə görüşündəki hərəkəti səbəb olub.
Gənc çalışdırıcı oyununun 43-cü dəqiqəsində hakimi təhqir etdiyinə görə birbaşa qırmızı vərəqə ilə meydandan kənarlaşdırılıb. AFFA bu hərəkəti səbəbindən ona cəza verib.