“Beşiktaş” yarımmüdafiəçisi Miralem Pyaniçlə yollarını ayıracaq.
Apasport.az saytının məlumatına görə, Türkiyə klubu ulduz futbolçunu müqavilə ilə məxsus olduğu “Barselona”ya qaytaracaq.
Yayda icarəyə götürülən Bosniya və Herseqovina millisinin üzvü tez-tez zədə problemi yaşadığı üçün “ağ-qaralar”a lazımi köməyi göstərməyib. İstanbul klubu qış fasiləsində icarə müqaviləsinə xitam vermək niyyətindədir.
Qeyd edək ki, Miralem Pyaniç “Beşiktaş”ın heyətində keçirdiyi 11 oyunda 4 məhsuldar ötürmə verib.