“Milan”ın müdafiəçisi Teo Ernandes klubunu dəyişməyə hazırlaşır.
Apasport.az saytının məlumatına görə, fransalı sol cinah müdafiəçisi PSJ-nin transfer gündəmindədir.
Paris təmsilçisi 23 yaşlı oyunçu üçün rəsmi danışıqlara başlayıb. Teo özü PSJ ilə 5 illik şəxsi müqaviləni artıq razılaşdırıb. İndi qalır “Milan”la ortaq məxrəcə gəlmək. “Rossonyerlər” onun gələcəyi ilə bağlı son qərarı hələ verməyib.
Qeyd edək ki, Teo Ernandes ötən mövsüm A seriyasında 33 oyunda 7 qol, 6 assistlə yadda qalıb.