Bakı – APA. "Neftçi" əvəzedici heyətə göndərilən Ernest Nforu geri qaytarıb. Apasport.az saytının məlumatına görə, buna kamerunlu hücumçunun əvəzedici komandanın məşqlərində səylə iştirak etməsi və meydana çıxdığı oyunlarda fərqlənməsi səbəb olub.
Belə ki, əvəzedicilərin son iki qələbəsində pay sahibi olan futbolçu, baş məşqçi Arif Əsədova müraciət edərək yenidən əsas komandaya qayıtmaq istədiyini və özünü sübut etmək üçün ona şans verilməsini istəyib. Bu müraciətdən sonra məşqçilər korpusunun təqdimatına əsasən onun əsas komandaya qaytarılmasına qərar verilib.
Qeyd edək ki, Nfor bir müddət öncə məşqlərdə və oyunlarda peşəkar səviyyəsindən aşağı çıxış etməsi və intizamsızlığı səbəbindən məşqçilər korpusunun təqdimatına əsasən əvəzedici heyətə göndərilmişdi.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
