Bakı – APA. İspaniya Kubokunun final matçı keçirilib. Apasport.az saytının məlumatına görə, finalda əzəli rəqiblər – “Barselona” və Madrid “Real”ı qarşılaşıblar. "Real" 2:1 hesabı ilə qalib gələrək kuboku qazanıb.
Hesabı ilk hissədə "Real"ın oyunçusu Di Maria açıb. Fasilədən sonra "Barselona" Bartranın qolu ilə tarazlığı bərpa edib. Amma əsas vaxtın bitməsinə 5 dəqiqə qalmış "Real"ın hücumçusu Qaret Beyl uzun reyddən sonra qələbə qolunu vurub.