Bakı – APA. AFFA İcraiyyə Komitəsinə (İK) yeni namizədin adı müəyyənləşib. Apasport.az saytının məlumatına görə, qurumun Məşqçilər Komitəsinin sədri Vaqif Sadıqov İK-nın yeni üzvü ola bilər.
Belə ki, assosiasiyanın Nizamnaməsinə əsasən, komitədə təmsilçilik AFFA-nın üzvü olan təşkilatların müvafiq bölgüsünə uyğun şəkildə aparılır. Peşəkar Futbol Liqası (PFL) burada 4 üzvlə təmsil olunmaq hüququna malikdi. Komitə üzvü Ələkbər Məmmədovun vəfatı ilə əlaqədar bu rəqəm 3-ə enib.
Bununla bağlı, PFL hazırda Məşqçilər Komitəsinin sədri vəzifəsində çalışan Sadıqovun İK-nin üzvlüyünə namizədliyi irəli sürüb. Seçki AFFA-nın 2015-ci il martın 6-da təşkil olunacaq növbəti Konfransında keçiriləcək.
Qeyd edək ki, Sadıqovun namizədliyi “Sumqayıt” klubundan verilib
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
