Bakı-APA. AVRO-2016-nın final mərhələsinə son iki vəsiqənin sahibi müəyyənləşib. Apasport.az saytının məlumatına görə, bu komandaların adı pley-offun cavab oyunları çərçivəsində baş tutacaq son iki görüşdə bəlli olub.
Eyni saatda başlayan matçların hər ikisinə qonaqlar üstünlüklə çıxıb. Ukrayna millisi öz meydanında qazandığı 2:0 hesablı qələbənin verdiyi üstünlüklə yollandığı səfərdə 1:1 bərabərə qalaraq Fransaya getməyə haqq qazanıb.
Danimarkada baş tutan şimallıların duelində isə İsveç üstün tərəf idi. İlk oyunda 1:2 hesabı ilə məğlub olan danimarkalılar səfər qoluna ümid etsələr də, İbrahimoviçin iki qolu ilə hesabda geri düşdülər. Matçın sonlarına yaxın toparlanaraq 2:2-lik bərabərliyə nail olsalar da, bu Avropa çempionatına getmək üçün yetərli olmayıb.
Beləliklə, 2016-cı ildə Fransada baş tutacaq Avropa çempionatında iştirak edəcək bütün komandaların adlarına aydınlıq gəlib.
AVRO-2016-nın seçmə mərhələsi
Pley-off, cavab oyunları
17 noyabr
Sloveniya – Ukrayna - 1:1
Qollar: Sezar, 11 - Yarmolenko, 90+7
İlk oyun – 0:2
Danimarka – İsveç - 2:2
Qollar: Poulsen, 81, Vesteqard, 90+1 - İbrahimoviç, 19, 76
İlk oyun – 1:2
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
