Bakı-APA. Azərbaycanın Avropa Liqasındakı təmsilçilərinin I təsnifat mərhələsində ilk oyunları fərqli saatlarda başlayacaq. Apasport.az saytının məlumatına görə, avrokubokların 2012/13 mövsümündə startımızı “Qarabağ” gerçəkləşdirəcək.
Belə ki, ağdamlıların iyulun 2-də Makedoniya “Metallurq”u ilə Skopyedəki matçı Bakı vaxtilə saat 20:45-də başlayacaq. “Xəzər Lənkəran” həmin gün Malta “Slima”sı ilə Ta Qalidəki oyuna 1 saat sonra çıxacaq.
“İnter” isə 2 klubumuzdan fərqli 2 gün sonra evdə oynayacaq. Finlandiya “Mariehamn”ı ilə “Bayıl Arena”dakı matç saat 21:00-da başlayacaq.
Qeyd edək ki, püşkə görə hər 3 klubumuz ilk oyunlarını iyulun 4-də səfərdə keçirməli idi. Ancaq sonradan UEFA “İnter” matçının yerini, “Qarabağ”la “Xəzər Lənkəran”ın gününü dəyişdirdi.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
