Bakı – APA. Avropa çempionatının elit-raundunda iştirak edəcək 19 yaşadək futbolçulardan ibarət Azərbaycan millisinin növbəti təlim-məşq toplantılarının yeri və vaxtı açıqlanıb. Apasport.az saytının məlumatına görə, millimiz elit-raund öncəsi ardıcıl iki müxtəlif ölkədə hazırlıq keçəcək.
Komandamız fevralın 16-dan 22-dək Finlandiyanın Helsinki, fevralın 23-dən 28-dək isə İrlandiyanın Dublin şəhərlərində toplanışda olacaq.
Təlim-məşq toplantıları ərzində 4 yoldaşlıq oyununun keçirilməsi nəzərdə tutulub. Futbolçularımız fevralın 20-də və 22-də finlandiyalı, fevralın 25-də və 27-də isə irlandiyalı həmyaşıdları ilə qarşılaşacaqlar.
Toplanışda iştirak edəcək futbolçuların siyahısı hələ bəlli deyil.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
