Bakı - APA. Bu gün İranın paytaxtı Tehranda yunan-Roma güləşi üzrə böyüklər arasında Dünya Kubokuna start verilib. Apasport.az saytının məlumatına görə, Azərbaycan millisi yarışa məğlubiyyətlə başlasa da, bunun ardınca inamlı qələbə qazanıb.
Belə ki, B qrupunda yer alan yığmamız ilk qarşılaşmasını ev sahiblərinə qarşı keçirib. Görüş 8:0 hesabı ilə cənub qonşularımızın xeyrinə bitib.
Amma komandamız növbəti görüşündə bu məğlubiyyəti unutdura bilib. Millimiz Ermənistan güləşçilərini döşəyə çıxmağa peşman edib. Həmyerlilərimiz rəqiblə keçirdiyi 8 döyüşün hamısında çətinlik çəkmədən qalib gəliblər.
Komandamız növbəti qarşılaşmasını Koreyaya qarşı keçirəcək.
Qeyd edək ki, sabah qrup liderləri finalda, qrup ikinciləri isə üçüncülük uğrunda görüşəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
