Bakı – APA. 19 yaşadək futbolçulardan ibarət Azərbaycan millisi növbəti yoxlama oyununu keçirib. Apasport.az saytının məlumatına görə, Nikolay Adamın yetirmələri İrlandiyadakı təlim-məşq toplanışında ilk sınağına çıxıb.
Millimiz ada təmsilçisinin U-19 komandası ilə görüşüb. Meydan sahibləri ilə bacarmayan yığmamız böyük hesablı məğlubiyyətə üzülüb – 0:6.
Qeyd edək ki, Azərbaycan və İrlandiya milliləri arasında ikinci yoxlama oyunu sabah keçiriləcək.