Bakı-APA. Martın 30-da futzal üzrə Avropa çempionatının əsas seçmə mərhələsində qrup oyunlarına yekun vurulub. Apasport.az saytının məlumatına görə, 2-ci qrupda mübarizə aparan Azərbaycan millisi növbəti matçına çıxıb.
İlk turda Norveçi 6:0, Bosniya və Herseqovinanı 3:2 hesabı ilə məğlub edən komandamız bu dəfə meydan sahibləri Slovakiya yığması ilə üz-üzə gəlib.
Qarşılaşma millimiz üçün heç də yaxşı başlamayıb. Belə ki, 12-ci dəqiqədə hesabı açan slovakiyalılar fasiləyə üstün yollanıb. İkinci hissə də isə baş məşqçi Joze Alesionun yetirmələri əzmkarlıq nümayiş etdirərək matçın sonlarında - 1 dəqiqədə 2 qol vuraraq görüşdən qalib ayrılıb.
Bu qələbədən sonra Azərbaycan yığması 3 oyundan 3 xal toplayıb və qrup lideri olaraq növbəti mərhələyə keçib.
Qeyd edək ki, Slovakiya qrupda ilk oyununu Bosniya və Herseqovina yığmasına qarşı keçirib. Görüş 4:4 hesablı sülhlə başa çatıb. 2-ci matçında isə Norveç üzərində qələbə qazanıb - 4:3.
AZƏRBAYCAN – Slovakiya - 2:1
QOL: Jade, 39, Məmmədkərimov, 39, Bahna, 12
Bratislava. "Hant" arenası
Azərbaycan 3 3 0 0 11-3 9
Bosniya və Herseqovina 3 1 1 1 10-7 4
Slovakiya 3 1 1 1 9-9 4
Norveç 3 0 0 3 3-14 0
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
