Bakı – APA. Azərbaycan millisinin baş məşqçisi Berti Foqts ABŞ yığmasında debüt edib. Apasport.az saytının məlumatına görə, Şimali Amerika təmsilçisinə xüsusi müşavir təyin olunan almaniyalı mütəxəssis bu komandanın Meksika ilə görüşündə də iş başında olub.
Foqtsun mayın 27-də baş tutacaq ABŞ – Azərbaycan oyunundan sonra yeni vəzifəsinin icrasına başlayacağı gözlənilsə də, almaniyalı indidən sabiq yetirməsi Yurgen Klinsmannın yanında olmağı lazım bilib. Belə ki, yığmamızın baş məşqçisi Finiks şəhərində keçirilən görüşdə iştirak edib.
Foqts şəhər universitetinin stadionunda baş tutan matçı tribunadan izləyib. Yeni komandasını müşahidə edən mütəxəssis 2:2 hesabı ilə başa çatan oyundan müəyyən nəticələr çıxarıb və bunları Klinsmannla bölüşəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
