Bakı-APA. Futbol üzrə Bolqarıstan çempionatı çərçivəsində martın 9-da “Botev” (Plovdiv) və “Levski” (Sofiya) komandaları arasında keçirilən qarşılaşma zamanı baş vermiş toqquşmalarda 10 azarkeş xəsarət alıb. APA-nın “RİA Novosti”yə istinadən verdiyi xəbərə görə, bu barədə Bolqarıstan DİN-i açıqlama ilə çıxış edib.
Yaralananların çoxu ilkin tibbi yardım göstərildikdən sonra evə buraxılıb. İki nəfər xəstəxanaya yerləşdirilib. Polis üç nəfəri asayişi pozduqlarına görə saxlayıb. Bəzi KİV-lər 20-dək saxlanılanlar barədə xəbər verir.
Qeyd edək ki, Plovdivdə baş tutmuş matçda 2:0 hesabı ilə ev sahibləri qələbə qazanıb. Son 16 ildə “Botev” ilk dəfədir ki “Levski” komandası üzərində qələbə qazanıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
