Bakı – APA. Futbol üzrə Azərbaycan yığmasının 2014-cü il dünya çempionatının seçmə mərhələsində qarşılaşacağı Lüksemburqa səfərinin vaxtı dəqiqləşib. Apasport.az saytının məlumatına görə, millimiz bu ölkənin yığması ilə rəsmi oyuna martın 20-də saat 11:00-da yollanacaq.
Yığmamız çarter reysi ilə 5 saata yaxın yol qət edəcək. Berti Foqtsun yetirmələri son hazırlıqlarını Lüksemburqda keçirərək, martın 22-də Bakı vaxtilə ilə saat 23:15-də oyuna çıxacaq.
Qeyd edək ki, martın 13-də Bakıda təlim-məşq toplanışına başlayacaq millimiz 26-da Portuqaliya yığmasını Tofiq Bəhramov adına Respublika stadionunda qəbul edəcək.