Bakı – APA. Humanitar yardım daşıyan 280 yük avtomobili Rusiya Federasiyasından Ukraynaya yola düşüb. APA-nın “Associated Press”ə istinadən verdiyi xəbərə görə, bu gün səhər saatlarında Rusiyaya məxsus humanitar yardım daşıyan 280 yük maşınından ibarət karvan Moskva ətrafından yola çıxıb.
Lakin bu yardımın çatdırılmasında əlaqələndirici olan beynəlxalq Qırmızı Xaç Komitəsi bu yükün nədən ibarət olması və hara getməsi ilə bağlı onlarda heç bir informasiyanın olmadığını bildirib. Bunu komitənin Ukraynadakı sözçüsü Andre Loersç deyib.
Rusiya telekanalları isə 2000 tondan ibarət olan yardımın uşaq ərzağından yataq dəstlərinə qədər müxtəlif ləvazimatlardan ibarət olduğunu xəbər verir. Rusiya tərəfi yardımın Ukrayna ilə razılaşdırıldığını da açıqlayıb. Karvanın Xarkov vilayəti istiqamətindən Ukrayna sərhədini keçəcəyi bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
