Bakı – APA. Rusiyalı məşqçi Sergey Şustikov bu gün dünyasını dəyişib. Apasport.az saytı xəbər verir ki, o, 46 yaşında Moskvada vəfat edib.
“Torpedo”, “Rasinq”, Moskva MOİK-i və “Moskva” klublarının sabiq futbolçusunun ölüm səbəbi hələlik açıqlanmır.
1970-ci ildə anadan olan Şustikov “Torpedo” futbol məktəbinin yetirməsi sayılırdı. Sabiq yarımmüdafiəçi 1991-ci ildə SSRİ çempionatının bürünc mükafatını qazanıb. 1996-cı ildə İspaniyaya yollanan Şustikov “Rasinq”lə müqavilə bağlayıb. Karyerasına isə 2004-cü ildə “Moskva” klubunda son qoyub.
Bir müddət Moskva MOİK-ində baş məşqçi Leonid Slutskinin köməkçisi kimi fəaliyyət göstərmiş Şustikov 2014-cü ildən paytaxtın digər komandası “Solyaris”i çalışdırırdı.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
