Bank Of Baku

Azərbaycanda 7 il axtarışda olan bank işçisi həbs edilib

Azərbaycanda 7 il axtarışda olan bank işçisi həbs edilib
# 08 oktyabr 2008 08:31 (UTC +04:00)
Binəqədi Rayon Polis İdarəsindən (RPİ) APA-ya verilən məlumata görə, Biləcəri qəsəbə sakini, 1955-ci il təvəllüdlü Dadaş Baladadaş oğlu Dadaşov çalışdığı bankda vətəndaşların külli miqdarda pulunu mənimsəməkdə təqsirli bilinir. Törətdiyi cinayət əməlinə görə Nərimanov Rayon Məhkəməsi 2001-ci ildə onun barəsində həbs-qətimkan tədbiri seçsə də, D. Dadaşovun Azərbaycanı tərk edərək, 7 il ərzində Rusiyanın müxtəlif şəhərlərində gizləndiyi bildirilir.

Bir müddət əvvəl isə onun Azərbaycana qayıtması barədə Binəqədi RPİ-nə məlumat daxil olub. RPİ-nin Cinayət Axtarış Şöbəsi əməkdaşlarının keçirdiyi əməliyyat tədbirləri nəticəsində D. Dadaşov həbs edilib. Onun barəsində 2001-ci ildə başlanmış cinayət işinin yenidən icrasına başlanılıb.

Qeyd edək ki, keçmiş bank işçisi D. Dadaşov Cinayət Məcəlləsinin 179-cu (mənimsəmə) maddəsi ilə təqsirli bilinir. Onun hansı bankda çalışdığı isə açıqlanmır.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR