Hadisə

Ana səhifə

Hadisə

Arif Məlikov: “Müslüm Maqomayevin sənəti gənc müğənnilər üçün məktəbdir”

29 oktyabr 2008 11:21 (UTC +04:00)

Bakı. Ramil Məmmədli – APA. “Müslüm Maqomayevin sənəti gənc müğənnilər üçün məktəbdir”. Bunu APA-ya açıqlamasında bəstəkar Arif Məlikov deyib. Müslüm Maqomayev kimi musiqiçilərin sayının ildən-ilə azaldığını söyləyən A. Məlikov belə sənətkarların yerinin dolacağına ümid etdiyini bildirib: “Müslim Maqomayevin adı Rəşid Behbudov, Bülbül və digər böyük sənətkarlarımızla bir cərgədə çəkilir. O, hələ sağlığında bu adı qazanmışdı. Azərbaycanda bu cür insanların sayı çox deyil. Hesab edirəm ki, Azərbaycan xalqı istedadlıdır və ölkəmiz yeni “müslümlər” yetişdirəcək”.

A. Məlikov dünya şöhrətli sənətçi ilə dostluğundan da danışıb: “Müslimlə dostluq edirdim və dəfələrlə onun Moskvadakı evində olmuşam. 1965-ci ildə bir yerdə Macarıstanda səfərə getmişdik. Səfər zamanı bu ölkənin mədəniyyət naziri bizdən öz ölkəsi haqda mahnı yazmağımızı istədi. Biz bir günün içində mahnı yazıb, kasetə köçürdük. Növbəti gün “Budapeşt” adlı bu mahnı Macarıstan televiziya və radiosunda səsləndi. Çox maraqlı idi. Təəssüf ki, bizim yaradıcılıq sahəsində əməkdaşlığımız bu mahnı ilə məhdudlaşıb”.

Müslüm_Maqomayev