Hadisə

Ana səhifə

Hadisə

Azərbaycanın Şəki şəhərində keçirilən xüsusi əməliyyat nəticəsində “kriminal avtoritet” həbs olunub YENİLƏNİB-1

Azərbaycanın Şəki şəhərində keçirilən xüsusi əməliyyat nəticəsində “kriminal avtoritet” həbs olunub <font color=#FF0000>YENİLƏNİB-1</font>

08 yanvar 2008 13:41 (UTC +04:00)

Şəki şəhər Polis Şöbəsindən APA-ya verilən məlumata görə, əməliyyat hüquq-mühafizə orqanlarına daxil olan məlumat əsasında həyata keçirilib. Əməliyyat zamanı Şəkidə anadan olmuş, kriminal aləmdə “Dəhnəli Elçin” kimi tanınan və hazırda Rusiyada yaşayan Elçin Cəlilov sürücüsü Qurban İlyasovla birlikdə yaxalanıb. Saxlanılarkən onların üzərindən və E. Cəlilova məxsus “Lexus” markalı avtomobildən heroin götürülüb.
APA-ya daxil olan digər məlumatlara görə, əməliyyat zamanı polisə müqavimət göstərən şəxslərdən birinin əlində qumbara partlayıb. Bu hadisə Şəki rayon Polis Şöbəsinin yaxınlığında baş verib. Əməliyyat keçirilərkən yaralananların olub-olmadığı barədə məlumat verilməsə də, yerli sakinlər hadisə yerinə təcili tibbi yardım maşınının gəldiyini bildiriblər.
Azərbaycan DİN-in mətbuat xidmətinin əməkdaşı Ehsan Zahidov APA-ya əməliyyatın keçirildiyini və yuxarıda adı çəkilən şəxslərin həbs olunduğunu təsdiqləyib. O, saxlanılanlardan narkotik maddə götürüldüyünü, araşdırmaların nəticəsinə uyğun olaraq cinayət işinin başlanılacağını bildirib. /APA/