Oğuza toy mərasiminə gedən Bakı şəhər sakini hoteldə ölmüş halda tapılıb.
APA-nın Şimal-qərb bürosunun məlumatına görə, hadisə bu gün səhər saatlarında şəhər ərazisində yerləşən hotellərdən birində qeydə alınıb. 1966-cı il təvəllüdlü, Bakı şəhəri Yasamal rayon sakini Sübhan Ağakişi oğlu Quliyevin yüksək təzyiqdən dünyasını dəyişdiyi bildirilir.
Qeyd olunub ki, ötən gün toy mərasimində iştirak edən 57 yaşlı S.Quliyev toydan sonra hotelə gəlib. Gecə saatlarında onun təzyiqi yüksəlib, təcili tibbi yardım briqadası dəvət edilib. Ona tibbi yardım göstərilib.
Səhər saatlarında hotel əməkdaşları S. Quliyevi otağında ölmüş vəziyyətdə aşkar ediblər.
Faktla bağlı Oğuz rayon prokurorluğunda araşdırma aparılır.
Sübhan Quliyevin Dövlət Turizm Agentliyinin sədrinin müşaviri olduğu bildirilir.
Dövlət Turizm Agentliyindən APA-ya Sübhan Quliyevin DTA sədrinin müşaviri olduğu təsdiqlənib. Bildirilib ki, onun ölüm səbəbi araşdırılır.
DTA Sübhan Quliyevin ailəsinə və yaxınlarına başsağlığı verib.
Qeyd olunub ki, Sübhan Quliyev 2020-ci ildən Dövlət Turizm Agentliyinin sədrinin müşaviri vəzifəsində çalışıb.
Vüqar Heydərov
Çingiz Səfərli
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
