Gəncədə yol-nəqliyyat hadisəsi baş verib, 3 nəfər xəsarət alıb.
APA-nın yerli bürosunun məlumatına görə, hadisə şəhərin Nəriman Nərimanov prospektində qeydə alınıb.
Hərəkətdə olan “Mercedes” markalı minik avtomobili “Chevrolet”-ə arxadan çırpılıb.
Zərbənin təsirindən “Chevrolet” yol kənarındakı ağaca dəyib.
Qəza zamanı 1968-ci il təvəllüdlü E. Qurbanova, 1972-ci il təvəllüdlü S. Allahverdiyev və 1999-cu il təvəllüdlü R. Yusifzadə xəsarət alaraq xəstəxanaya yerləşdiriliblər.
Qəzaya düşən “Chevrolet” Samux Su Meliorasiya Sistemlərinin İstismarı İdarəsinə məxsusdur.
Hadisə yerinə DYP əməkdaşları cəlb olunub, faktla bağlı araşdırma aparılır.
TƏBİB-dən APA-ya verilən məlumata görə, 13 oktyabrda saat 19:20 radələrində 3 nəfər (1 qadın, 2 kişi) Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Təcili tibbi yardım şöbəsinə hospitalizasiya olunub. Müxtəlif bədən xəsarətləri alan pasiyentlərə zəruri tibbi xidmətlər göstərilib.
Dəqiqləşdirilməmiş kəllə-beyin travması, sağ said sümüklərinin sınığı, sol qaşın çapılmış yarası diaqnozu təyin edilən 1968-ci il təvəllüdlü şəxsin (qadın) müalicəsi müvafiq şöbədə davam etdirilir, vəziyyəti orta ağırdır.
Vəziyyətləri qənaətbəxş qiymətləndirilən 2 nəfər isə ambulator müalicə üçün evə buraxılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
