Gürcüstanda həbs cəzası çəkən Azərbaycan vətəndaşlarının sayı 199 nəfər təşkil edir.
APA-nın yerli bürosu xəbər verir ki, bu barədə Gürcüstanın Milli Statistika İdarəsinin avqust ayı üzrə hesabatında bildirilib.
Sənədə əsasən, Azərbaycan vətəndaşlarının 57-si kişi, 7-si qadın olmaqla 64-ü təqsirləndirilən şəxs, 118-i kişi, 17-si qadın olmaqla isə 135-i məhkumdur.
Gürcüstanda probasiya nəzarətində saxlanılan 76 nəfər Azərbaycan vətəndaşı var ki, onların 67-si kişi, 9-u isə qadındır.
Qonşu ölkənin həbsxanalarında ümumilikdə 1 741 xarici vətəndaş saxlanılır, 716 əncəbiyə isə probasiya nəzarəti tətbiq olunur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
