Suraxanıda qohumlarını öldürməyə cəhddə təqsirləndirilən Yusif Mahmudov və oğlu Allahverdi Mahmudovun cinayət işi üzrə məhkəmə prosesi yekunlaşıb.
APA xəbər verir ki, bu gün Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi ilə keçirilən prosesdə hökm oxunub.
Məhkəmənin qərarına əsasən, təqsirləndirilən şəxslər 11 il 3 ay müddətində azadlıqdan məhrum edilib.
Prokuror da onların 11 il 3 ay müddətinə azadlıqdan məhrum olunmalarını istəyib.
Qeyd edək ki, hadisə ötən ilin iyun ayında Bakının Suraxanı rayonunda qeydə alınıb.
1993-cü il təvəllüdlü Mahmudov Allahverdi Yusif oğlu yaşadığı evin həyətində yeznəsi - 1994-cü il təvəllüdlü Məmmədov Ağasəlim Sahib oğluna bıçaqla xəsarət yetirib.
Allahverdi Mahmudov və atası Yusif Mahmudov şübhəli şəxs qismində tutulub.
Onlar barəsində Cinayət Məcəlləsinin 29,120.2.1-ci maddəsi ilə cinayət işi başlanılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
