Tovuzda 90 yaşlı qadın mənzildə bağlı qapı arxasında köməksiz vəziyyətdə qalıb.
APA-nın yerli bürosunun məlumatına görə, hadisə Tovuz şəhərinin Xəqani küçəsində qeydə alınıb. Həmin ünvanda yaşayan 1934-cü il təvəllüdlü Zərnə Məmmədovanın evdə ürəyi tutub, yıxılıb.
Qonşular yaşlı qadından xəbər olmadığı üçün Fövqəladə Hallar Nazirliyinin qaynar xəttinə məlumat veriblər. FHN-in Xüsusi Riskli Xilasetmə Xidmətinin xilasediciləri çağırış üzrə əraziyə cəlb olunublar. Xilasedicilər xüsusi vasitələrin köməyi ilə beşmərtəbəli yaşayış binasının 3-cü mərtəbəsində yerləşən mənzilə daxil olublar, 1934-cü il təvəllüdlü qadını halsız vəziyyətdə aşkar edərək ona müvafiq köməklik göstərib və təcili tibbi yardım briqadasına təhvil veriblər.
Hadisə yerinə polis əməkdaşları cəlb olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
