Ucarda xəsarətlə nəticələnən yol-nəqliyyat hadisəsi baş verib.
APA-nın yerli bürosunun xəbərinə görə, hadisə bu gün axşam saatlarında Ucar- Zərdab yolunun Ucar rayonunun Qazyan kəndindən keçən hissəsində qeydə alınıb.
Zərdab rayon sakini, 1995-ci il təvəllüdlü Allahverən Münasib oğlu Məmmədlinin idarə etdiyi “VAZ-2107” markalı minik maşını ilə Ucar rayonunun Qazyan kənd sakini, 1959-cu il təvəllüdlü Yasəf Ağasəf oğlu Həmidovun idarə etdiyi “VAZ-21011” markalı maşın toqquşub.
Nəticədə sürücü, Y. Həmidov və sərnişin, 1960-cı il təvəllüdlü Müslüm Əlihüseyn oğlu İsmayılov müxtəlif xəsarətlərlə Ucar Mərkəzi Rayon Xəstəxanasına yerləşdiriliblər. Zərərçəkən Y. Həmidov Göyçay xəstəxanasına aparılıb. Fakt araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
