Hərbi

Ana səhifə

Hərbi

Azərbaycan Müdafiə Nazirliyinin rəhbərliyi xarici ölkələrin hərbi attaşeləri üçün brifinq keçirib

11 dekabr 2009 11:39 (UTC +04:00)

Müdafiə Nazirliyinin mətbuat xidmətindən APA-ya verilən məlumata görə, görüşdə əsas məqsəd cari ildə Azərbaycan Ordusunun əldə etdiyi nailiyyətlər, ilin yekunları və gələcəkdə həyata keçiriləcək işlər barədə xarici ölkə attaşelərini tanış etmək olub.

Məruzə ilə çıxış edən Ramiz Nəcəfov 2007-ci ildən başlayaraq Silahlı Qüvvələrdə Azərbaycanla NATO arasında imzalanmış Fərdi Tərəfdaşlıq üzrə Fəaliyyət Planı (İPAP) çərçivəsində islahatların həyata keçirildiyini, bu prosesin 2009-cu ildə daha uğurla aparıldığını bildirib. R. Nəcəfov silah və texnikanın modernləşdirilməsini, il ərzində təlim və təhsil prosesinin yüksək səviyyədə aparılmasını, yeni ştat-strukturuna keçidi, ilk dəfə Azərbaycanın xarici dövlətlərdə akkreditə olunan hərbi attaşelərinin Bakıda toplanaraq əməkdaşlıq məsələlərinin müzakirə edilməsini, nazirlər səviyyəsində 10 rəsmi və işçi görüşün Azərbaycanda, 8 rəsmi və işçi görüşün xarici ölkələrdə baş tutmasını, sülhməramlı əməliyyatlarda iştirak edən kontingentin sayının 2 dəfə artırılmasını, 54 ölkə ilə hərbi əməkdaşlıq sahəsində əməkdaşlıq edildiyini, onlardan 27 ölkə ilə 102 müqavilə və saziş imzalandığını diqqətə çatdırıb.

R. Nəcəfov Ermənistan-Azərbaycan, Dağlıq Qarabağ münaqişəsinin sülh yolu ilə həllinin arzu edildiyini, lakin bu, baş tutmayacağı təqdirdə Azərbaycanın öz torpaqlarını işğaldan azad etməyə hazır olduğunu bildirib.