Hərbi

Ana səhifə

Hərbi

Azərbaycan hərbçiləri bir sıra tədbirlərdə iştirak edəcəklər

11 yanvar 2010 07:51 (UTC +04:00)

Bakı. Rəşad Süleymanov – APA. Azərbaycan hərbçiləri bir sıra ölkələrlə imzalanmış ikitərəfli hərbi əməkdaşlıq proqramları və NATO ilə imzalanmış Fərdi Tərəfdaşlıq üzrə Fəaliyyat Planı çərçivəsində bir sıra tədbirlərdə iştirak edəcək. Bu barədə APA-ya Azərbaycan Müdafiə Nazirliyinin mətbuat xidmətindən məlumat verilib.

Məlumata görə, Türkiyə ilə imzalanmış ikitərəfli əməkdaşlıq planına əsasən, Azərbaycan hərbçiləri yanvarın 11-dən fevralın 5-dək İzmirdə «Döyüş sursatlarının zərərsizləşdirilməsi kursu»nda, yanvarın 11-dən 22-dək Ankarada «Göz daxili linzaların implantasiyası kursu»nda, «SNT qərargah zabitləri üçün Maddi Texniki Təminat (MTT) üzrə tanışlıq kursu»nda iştirak edəcəklər.

Azərbaycan-ABŞ iş planına əsasən Azərbaycan zabitləri yanvarın 13-dən avqustun 10-dək San-Antonio şəhərində «Piyada zabitinin təməl kursu», yanvarın 13-dən sentyabrın 25-dək «Beynəlxalq Hidroqrafik idarə etmə və mühəndis kursu», Azərbaycan-Böyük Britaniya əməkdaşlıq Proqramına əsasən yanvarın 11-dən aprelin 1-dək York şəhərində «İngilis dili kursu», Azərbaycan-Litva ikitərəfli əməkdaşlıq planına əsasən yanvarın 18-dən mayın 28-dək Vilnüs şəhərində «İngilis dili kursu», Azərbaycan-Rumıniya ikitərəfli əməkdaşlıq planına əsasən yanvarın 18-dən martın 26-dək Buxarestdə «Briqada Qərargah zabitləri kursu», Azərbaycan-Pakistan ikitərəfli əməkdaşlıq planına əsasən yanvarın 11-dən fevralın 6-dək Çerat şəhərində «Paraşutlə tullanma təlimaçısı və hava desant əməliyyatları kursu»nun iştirakçısı olacaqlar.

Bundan başqa, fərdi tərəfdaşlıq proqramına əsasən yanvarın 11-dən aprelin 2-dək Macarıstanın paytaxtı Budapeşt şəhərində «Hərbi İngilis dili kursu», yanvarın 12-si və 13-də Montoneqronun Bar şəhərində «Cooperative Mako-2010» təliminin İlkin planlaşdırma konfransı, yanvarın 13-dən 15-dək Brüsseldə 2010-cu il üçün İllik Hərbi İnformasiyanın NATO-nun VERİTY XXI sisteminə daxil edilməsi, FTP-dən əlavə olaraq
Yanvarın 18-dən fevralın 12-dək Sloveniyanın Bohinska Bela şəhərində «Təkmilləşdirilmiş hərbi qış dağ təlim kursu», yanvarın 11-dən 15-dək Almaniyanın Oberamerqau şəhərində NATO-nun Akademik Təlimatçılar kursu, yenə orada yanvarın 20-21-də SNT Planlaşdırma Simpoziumu keçiriləcək.

Yanvarın 18 və 19-da isə NATO/ABŞ ekspertlər qrupu «Müdafıə Planlaması və Siyasəti Kursları» sahəsinə ekspert yardımı göstərmək üçün Bakıda səfərdə olacaq.