Hərbi

Ana səhifə

Hərbi

Ermənistan Silahlı Qüvvələri Azərbaycan Ordusunun mövqelərini bir neçə istiqamətdə atəşə tutub

20 fevral 2010 07:04 (UTC +04:00)

Bakı – APA. Ermənistan Silahlı Qüvvələri atəşkəs rejimini pozmaqda davam edir. Müdafiə Nazirliyinin mətbuat xidmətindən APA-ya verilən məlumata görə, düşmən bölmələri fevralın 19-da saat 20.05-dən 20.50-dək Ermənistan Respublikasının Berd rayonunun ərazisindəki adsız yüksəkliklərdə yerləşən mövqelərdən Tovuz rayonunun ərazisindəki adsız yüksəkliklərdə yerləşən mövqelərimizi, saat 16.40-dan 17.20-dək, 19.40-dan 19.50-dək Ağdam rayonunun Şurabad və Yusifcanlı kəndləri yaxınlığında yerləşən mövqelərdən, saat 21.25-dən 21.45-dək Cəbrayıl rayonunun Cocuqmərcanlı kəndi yaxınlığında yerləşən mövqelərdən, saat 23.30-dan 23.50-dək, fevralın 20-də saat 00.30-dan 00.45-dək və 02.00-dan 02.10-dək Füzuli rayonu ərazisindəki adsız yüksəkliklərdə yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutub.

Bütün hallarda qarşı tərəf cavab atəşi ilə susdurulub, itki yoxdur.

atəşkəs