Hərbi

Ana səhifə

Hərbi

Avro-Atlantik Tərəfdaşlıq Şurası çərçivəsində Baş Qərargah rəislərinin növbəti görüşü Brüsseldə keçiriləcək

30 aprel 2010 09:08 (UTC +04:00)

Bakı-APA. Avro-Atlantik Tərəfdaşlıq Şurası çərçivəsində Baş Qərargah Rəislərinin növbəti görüşü mayın 6-da keçiriləcək. Bu barədə APA-ya Müdafiə Nazirliyinin mətbuat xidmətindən bildirilib. Məlumata görə, görüş Brüsseldə baş tutacaq.
NATO ilə Azərbaycan arasında imzalanan Fərdi Tərəfdaşlıq Planına (FTP) əlavə olaraq (03 - 14.05.2010) NATO-nun İctimai Əlaqələr üzrə təməl kursu Budapeştdə olacaq.

FTP-dən əlavə olaraq 3-6 may tarixlərində İordaniya Kral Tibb Xidmətlərinin 5-ci Beynəlxalq Konfransı Əmmanda gerçəkləşəcək.

Azərbaycanla Türkiyə arasında imzalanan ikitərəfli əməkdaşlıq planına əsasən mayın 2-dən 8-dək Türkiyə Respublikası Hərbi Dəniz Qüvvələri (HDQ) nümayəndə heyətinin Azərbaycan Hərbi Dəniz Qüvvələrinin tərsanələrinin ziyarəti təşkil olunacaq.
Bu plana əsasən Ankarada (03-21.05.2010) əl və yuxarı ətraf cərrahiyyəsi kursu keçiriləcək. Plana əsasən İlizarov xarici sabitləşdiricisi kursu da Ankarada (03-21.05.2010) baş tutacaq.

Azərbaycan-Rumıniya ikitərəfli əməkdaşlıq planına əsasən mayın 3-dən iyunun 25-dək NATO zabitləri üçün Hərbi İngilis dili kursu Buxarestdə keçiriləcək.

Azərbaycan-ABŞ iş planına əsasən Tabur və briqada səviyyəsində əməliyyat zabitlərinin vəzifələri mövzusunda seminarı mayın 3-dən 7-dək Bakıda davam edəcək.
Bu plana əsasən, həmçinin Patrul katerinin idarə edilməsi kursu
San-Antonio şəhərində (05.05-02.12.2010) keçiriləcək.

Bundan başqa, FTP-dən əlavə olaraq BMT Hərbi Müşahidəçi kursu (09-29.05.2010) Polşanın Kielce şəhərində olacaq. İordaniyada isə Xüsusi Təyinatlı Qüvvələrin Sərgisində (SOFEX-2010) iştirak (10-13.05.2010) olacaq. FTP-dən əlavə olaraq Ankarada Terrorizmlə mübarizə kursu (10-14.05.2010) keçiriləcək.
NATO-nun Neapoldakı HDQ Komponent Komandanlığının Hərbi Dəniz Qüvvələrinin zabitləri üçün Mobil Təlim kursu isə mayın 10-dan 13-dək Bakıda baş tutacaq.