Bakı-APA. Azərbaycanla NATO arasında imzalanmış “Sülh naminə tərəfdaşlıq” proqramı çərçivəsində, fərdi tərəfdaşlıq proqramı əsasında bir sıra tədbirlər keçiriləcək. Müdafiə Nazirliyinin mətbuat xidmətindən APA-ya verilən məlumata görə,
Şvarzenburq (İsveçrə) “Əməliyyat imkanları konsepsiyasının məlumat bazası” adlı treninq 4-6 dekabrda baş tutacaq.
Tərəfdaşlar arasında informasiyanın canlı idarə edilməsi sistemi (ePRIME) kursu
isə 5-6 dekabr tarixlərində Brüsseldə keçiriləcək.
Azərbaycan-ABŞ ikitərəfli əməkdaşlıq planına əsasən, dekabrın 5-dən 7-dək
Stokholmda “VIKING 14” kompüter dəstəkli komanda-qərargah təliminin ilkin planlaşdırma konfransı olacaq.
Azərbaycanda akkreditə olunmuş xarici ölkələrin hərbi attaşeləri ilə ilin yekunlarına dair toplantısı dekabrın 7-də Bakıda keçiriləcək.
Souda körfəzində (Yunanıstan) “Avrasiya tərəfdaşlığının zirvəsi” mövzusunda seminarlar dekabrın 10-dan 14-dək davam edəcək.
NATO Müdafiə Kollecinin nümayəndələrinin Azərbaycana səfəri isə 16-18 dekabrda olacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
