İncəsənət

Ana səhifə

İncəsənət

Gürcüstan Dövlət Akademik Teatrı 40 illik fasilədən sonra Bakıya qastrola gələcək

24 oktyabr 2008 11:37 (UTC +04:00)

Bakı. Ülkər Qasımova-APA. Mədəniyyət və Turizm Nazirliyinin təşkilatçılığı ilə Teatr Görüşləri” adlı beynəlxalq layihə həyata keçiriləcək. Bu barədə APA-ya Mədəniyyət və Turizm Nazirliyinin mətbuat katibi Zöhrə Əliyeva məlumat verib. Onun sözlərinə görə, Azərbaycan teatrlarının qapalı məkan şəraitində fəaliyyət göstərdiyi, onların ara-sıra beynəlxalq festivallarda iştirakının təsadüfü xarakter daşıdığı və nəticədə teatr işçilərinin dünyada gedən müasir teatr prosesilə, mütərəqqi tamaşalarla tanış olmaq imkanının minimuma endirildiyi, şəhərimizə gələn teatr truppalarının göstərdiyi tamaşaların isə çox zaman kommersiya xarakteri daşıdığını nəzərə alan nazirlik belə bir layihəni həyata keçirmək qərarına gəlib.

Bu layihə Bakı şəhərinə dəvət olunan teatrların və tamaşaların bilavasitə Mədəniyyət və Turizm Nazirliyinin mütəxəssisləri tərəfindən seçilməsinə, qastrol səfərlərinin beynəlxalq təcrübə əsasında təşkil olunmasına, tamaşaların ətraflı təbliğinə, ustad-dərslərin keçirilməsinə imkan yaradacaq. Layihədə ilk iştirakçı dövlət Gürcüstan Respublikasıdır. Daha sonra bu layihəyə Yunanıstan, Rusiya, Almaniya, Norveç dövlətlərinin qoşulması da nəzərdə tutulur. Layihənin keçirilməsində məqsəd ölkələr arasında mədəni əlaqələrin inkişaf etdirilməsi, teatr sənəti sahəsində mədəni əməkdaşlığın yaradılması, beynəlxalq layihələrin həyata keçirilməsi, yeni teatr formaları ilə tanışlıq, cağdaş teatr fikrinin formalaşmasıdır. 2008-2010-cu illəri əhatə edəcək layihənin ilk mərhələsini Şota Rustaveli adına Gürcüstan Dövlət Akademik Teatrının 2008-ci il 3-8 noyabr tarixlərində Bakıya qastrol səfəri təşkil edir.

Z. Əliyeva bu teatrın Bakıya son qastrol səfərinin 40 il bundan əvvəl baş tutdsuğunu bildirib. Səfər müddətində bu günlərdə 70 illiyini qeyd edən məşhur gürcü rejissoru, teatrın bədii rəhbəri Robert Sturua və dünyaca məşhur bəstəkar Qiya Kançeli də Bakıda olacaq. Bakiya gələcək 39 nəfərlik aktyor heyətinin tərkibində məşhur “Ad günü ” filmində Əli obrazını yaradan Azərbaycanının dövlət mükafatı laureatı David Uplisaşvili də var. Teatrın kollektivi səfər çərçivəsində Musiqili Komediya Teatrının səhnəsində “O, insandırmı?”, “Darispanın iztirabları»” və “Hamlet” tamaşalarını nümayiş etdirəcək.