İncəsənət

Ana səhifə

İncəsənət

Əməkdar mədəniyyət işçisi Vladimir Neverovun 60 illik yubileyi ilə əlaqədar mətbuat konfransı keçirilib

22 iyun 2009 11:21 (UTC +04:00)

Bakı. Ülkər Qasımova-APA. Bu gün Səməd Vurğun adına Azərbaycan Dövlət Rus Dram Teatrının ssenari müəllifi, əməkdar mədəniyyət işçisi, Vladimir Neverovun
60 illik yubileyi ilə əlaqədar mətbuat konfransı keçirilib. APA-nın məlumatına görə, tədbirdə çıxış edən teatrın baş rejissoru, xalq artisti Aleksandr Şarovski ssenaristin həyat və yaradıcılığından danışıb. Baş rejissor bildirib ki, artıq 60 yaşını qeyd edən V.Neverov Rus Dram Teatrında çox böyük işlər görüb. Onun sözlərinə görə, V.Neverovun ssenariləri əsasında hazırlanmış tamaşalar teatra çoxsaylı tamaşaçı cəlb edib. V.Neverov isə bildirib ki, o, 15 yaşında Rus Dram Teatrında fəaliyyətə başlayıb: “Həmin yaşda mən bu teatrda köməkçi qüvvə kimi işə başlamışam. Mən bu teatrda olmağımdan çox böyük şərəf duymuşam və bu teatrın məni formalaşdırdığını heç zaman dana bilmərəm”. Yubilyarın sözlərinə görə, iyunun 10-da dostlarının iştirakı ilə 60 yaşını qeyd etsə də, yubileyin teatrda da keçirilməsi nəzərdə tutulur. İyunun 26-da Rus Dram Teatrında V. Neverovun 60 illiyik yubileyi münasibəti ilə məhz onun ssenarisi əsasında hazırlanmış “Gözlənilməz macəralar” tamaşası oynanılacaq.