İncəsənət

Ana səhifə

İncəsənət

Türkiyəli müğənniləri müşayiət edən azərbaycanlı musiqiçilər: “Bu, bizim musiqimizin zənginliyindən xəbər verir” – FOTO

Türkiyəli müğənniləri müşayiət edən azərbaycanlı musiqiçilər: “Bu, bizim musiqimizin zənginliyindən xəbər verir” – <font color=red>FOTO</font>

30 noyabr 2009 09:11 (UTC +04:00)

Bakı. Ülkər Qasımova - APA. Bakıda konsert proqramı ilə çıxış edən bir çox türkiyəli müğənniləri müşayiət edən “Azəri qızlar” üçlüyü bu dəfə də Bakıda konsertlə çıxış edən Rafet El Romanı müşayiət edib.

Türkiyəli sənətçi ilə bir səhnəni bölüşən tar ifaçısı Humay Qədimova və kaman ifaçısı Sevinc Bağıyeva APA-ya açıqlamalarında bu faktı yüksək qiymətləndiriblər. Humay Qədimova deyib ki, türkiyəli sənətçilərin Bakıda tar və kamanın müşayiəti ilə ifası bir dəb halını alıb: “Bu çox sevindirici haldır. Bu zamana kimi çıxış etdiyimiz konsertlərdə təkliflər müğənnilərin özündən gəlib, elə Rafet El Roman da onu müşayiət etməyimizi özü istəyib. Bu, bizim musiqimizin, musiqi alətlərimizin zənginliyindən xəbər verir. Bu dəfə də biz - “Azəri qızlar” üçlüyü adətimizə sadiq qalaraq Rafet El Romanı müşayiət etdik”.

Türkiyəli müğənnilərin tar və kamanın müşayiəti ilə musiqilərin ifasının əsasını qoyduqlarını vurğulayan Humay Qədimova bunu sənətlərində böyük uğur və Azərbaycan musiqisinə xidmət kimi qiymətləndirirlər: “Ancaq biz bu cür təkliflərdən heç də şoka düşmürük, sadəcə, təklif kimi qəbul edirik. Bizim musiqilərimiz bütün dünyada öz sözünü deyib. Biz Tarkanı, Sərdar Ortacı, Rafet El Romanı müşayiət etmişik. Dəfələrlə sənətçiləri müşayiətlə bağlı Türkiyədən təkliflər almışıq. Bizim ən böyük arzularımızdan biri Maykl Ceksonu tar və kamanda olaraq müşayiət etmək olub, ancaq çox təəssüf ki, bu, elə arzu olaraq da qalıb. Meqa-star Tarkanı müşayiət bizim üçün çox böyük uğurdur”.

İfaçılar türkiyəli sənətçiləri müşayiət zamanı heç də həyəcan keçirmədiklərini, əksinə, bu cür hallarda səhnədə çox rahat olduqlarını da açıqlayıblar.