İncəsənət

İncəsənət

Marneulidə Azərbaycanlıların Mədəniyyət Mərkəzinin nəzdində fəaliyyət göstərən “Sarvan” rəqs qrupu kuboka layıq görülüb

29 aprel 2010 20:33 (UTC +04:00)

Onun sözlərinə görə, Gürcüstan paytaxtındakı İdman Dzüdo Kompleksində Tiflis meriyasının dəstəyi ilə ilk dəfə olaraq Gürcüstanın müasir və estrada rəqslərinin federasiyası “İ-ci gürcü rəqs olimpiadası» keçirib.

«Olimpiadanı keçirməkdə məqsəd istedadlı kollektivlərin üzə çıxarılması və eyni zamanda Avropa çempionatlarında Gürcüstanı layiqincə təmsil edə bilən rəqs qruplarını seçmək idi. Bundan əvvəlki festivallarda çıxışlarını böyük maraqla izlədiyini və bəyəndiyini söyləyən Federasiyanın prezidenti Valentina Kuzmedi Gürcüstanda yeganə folklor rəqs qrupu kimi tanınan və Azərbaycanlıların Mədəniyyət Mərkəzinin nəzdində fəaliyyət göstərən “Sarvan” folklor rəqs qrupunu bu möhtəşəm olimpiadada iştirak etmək üçün dəvət etdi. Bizim folklor rəqs qrupunun üzvləri sevinclə həmin olimpiadada iştirak etdilər», deyə o bildirib.

Tədbirə mindən çox rəqs qrupları qatılıb. İştirakçılar 30 nominasiyada mübarizə aparıblar. Gürcüstanın bütün regionlarından, eləcə də Ermənistanın rəqs qrupları da müxtəlif rəqslər nümayiş etdiriblər.

«Bu tədbirdə “Sarvan” folklor rəqs qrupu 4 Azərbaycan xalq rəqsini nümayiş etdirdi. Nəticədə 3 qızıl, 1 bürünc medal, diplomlar və kubok ilə təltif olundu”, deyə mətbuat katibi bildirib.

Sarvan” folklor rəqs qrupunun bədii rəhbəri Cəmilə Məmmədova APA-ya verdiyi açıqlamasında bildirib ki, münsiflər heyətinin üzvlərindən olan YUNESKO-nun üzvü, beynəlxalq dərəcəli hakim, Ümumrusiya rəqs Olimpiadasının banisi Andrey Kokoulin, müasir rəqslər üzrə hakim Tea Qoçiridze (ABŞ),Teymuraz Metreveli (Gürcüstan), Gürcüstanın Müasir və Estrada rəqslərinin Federasiyasının vitse-prezidenti Nataliya Diqmelaşvili və başqaları “Sarvan” folklor rəqs qrupunun ifa etdiyi rəqsləri bəyəndiklərini bildiriblər.

Tədbirin proqramına əsasən iki hissədən ibarət olan çıxışları münsiflər heyəti yorulmadan izləyiblər və nəticədə “Sarvan”folklor rəqs qrupu bu dəfə də ölkə tədbirlərində əldə etdiyi uğurlara yeni bir qələbə də əlavə edib.

Qeyd edək ki, qrupun fəaliyyəti müddətində iştirak etdiyi hər bir festivaldan qalibiyyətlə qayıdan qrup gələcəkdə Azərbaycan xalq rəqslərini bu cür təmsil etmək üçün yaradıcılıq axtarışlarını daha da genişləndirəcək.