İncəsənət

İncəsənət

Azərbaycan rəssamı Portuqaliyada «Beynəlxalq Surrealizm Bugün» sərgisində iştirak edəcək

17 may 2010 23:28 (UTC +04:00)

Bakı-APA. Azərbaycanın tanınmış rəssamı Mehriban Əfəndi “İnternational Surrealism Now” (Beynəlxalq Surrealizm Bugün) sərgisində Azərbaycanı təmsil edəcək.

Portuqaliyanın Bissaya Barreto Fondunun təşkilatçılığı və sponsorluğu ilə ilk dəfə olaraq keçirilən dünyanın tanınmış müasir sürrealist rəssamlarının sərgisinin açılışı may ayının 20-də olacaq .

Fondun Muzey Evində 31 ölkənin 56 rəssamının hər birinin 1 yeni əsəri nümayiş olunacaq.
Bu sərgidə “Visionary Art”, Fantastic Realism, Dark Art adı altında bir çox mütəfəkkir, rəssam sürrealistlərin, Vijinerlər , “The society of art of imagination in the UK” , Otto Rapp kimi tanınmış rəssamın iştirakı gözlənilir.
Sərginin kuratoru rəssam Santiego Riberoya Fonddur.

Bu möhtəşəm sərgidə iştirak üçün dəvət almış Azərbaycan rəssamı, Cəfər Cabbarlı adına “Azərbaycanfilm” kinostudiyasının çəkilişə hazırlıq şöbəsinin rəisi , bir çox Azərbaycan filmlərinin geyim və quruluşçu rəssamı , Azərbaycan Rəssamlar İttifaqının üzvü Mehriban Əfəndi bundan öncə Avstraliyada «Cyberart to the dining table», dünyanın məşhur 10 rəqəmsal rəssamlarından ibarət beynəlxalq sərgidə və Hollandiyanin Arnhem şəhərində Beynəlxalq “Made in Arnhem” sərgisində iştirakı, Amerikanın Montana ştatında «Spiritual Center» mərkəzinin sponsorluğu ilə fərdi sərgisiylə , məşhur alman rejissoru Veit Helmerin “Absurdistan” filmində geyim rəssamı kimi geniş ictimaiyyətə artıq tanışdır.

Bu sərgiyə seçim 2 il bundan öncə başlanıb və layihənin artıq seçim turunu tamamlandıqdan sonra rəssamın internet saytında əsərlərini görən Santiago Ribeiro Mehriban xanıma bu sərgidə iştirak üçün dəvət göndərib . Onun dediklərinə görə əsərlərinin özünəməxsusluğu, xüsusi rəng çalarları və qeyri adi üslubda işlənməsı diqqətini cəlb edib.

Qeyd eləyək ki, rəssamın «Muğam» adlı yeni əsəri ilk dəfə olaraq Beynəlxalq «Beynəlxalq Sürrealizm Bugün» sərgisində nümayiş olunacaq. Sərgi iyun ayının 30-dək davam edəcək.