USD 1.7

Bakı 25 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

İncəsənət

Ana səhifə

İncəsənət

Milli Musiqi Günü Üzeyir Hacıbəyli adına Bakı Musiqi Akademiyasının qarşısında təntənəli şəkildə qeyd olunub

18 sentyabr 2011 12:54 (UTC +04:00)

Bakı. Ülkər Qasımova – APA. Sentyabrın 18-i - Azərbaycanda Milli Musiqi Günü ənənəyə uyğun olaraq Fəxri Xiyabanı ziyarətlə başlayıb. APA-nın məlumatına görə, Fəxri xiyabana gələn tədbir iştirakçıları öncə Heydər Əliyev və akademik Zərifə Əliyevanın məzarları ziyarət ediblər.

Daha sonra ziyarətçilər Azərbaycan klassik musiqisinin banisi, dahi bəstəkar Üzeyir Hacıbəylinin məzarı ətrafına toplaşıb, qəbirüstü abidəsinə gül dəstələri qoyublar.

Mədəniyyət və turizm naziri Əbülfəs Qarayev artıq necə illərdir, bu günün təntənə ilə qeyd olunduğunu deyib. Azərbaycan musiqisinin inkişafında Ü. Hacıbəylinin böyük xidmətləri olduğunu deyən nazir vurğulayıb ki, xalqımız da bu böyük insanın xatirəsini heç vaxt unutmur.

Sonra bəstəkara ehtiram əlaməti olaraq Üzeyir Hacıbəylinin “Leyli və Məcnun” operasından kompozisiya səslənib. Milli Musiqi Günündə mədəniyyət və incəsənət xadimləri görkəmli mədəniyyət və incəsənət xadimləri Müslüm Maqomayev, Rəşid Behbudov, Qara Qarayev, maestro Niyazi və digərlərinin də xatirəsi yad olunub.

Sonra tədbir Üzeyir Hacıbəyli adına Bakı Musiqi Akademiyasının (BMA) qarşısında davam etdirilib. Nazir Ə. Qarayev bu günü sadəcə musiqisevərlərin yox, həm də bütün Azərbaycan xalqının bayramı olduğunu qeyd edib, bildirib ki, 18 sentyabrın bayram kimi qeyd edilməsi ənənəsi Heydər Əliyevin 1995-ci ildə bəstəkarın anadan olmasının 110 illik yubileyi ərəfəsində imzaladığı fərmanla qoyulub: “Odur ki, hər il sentyabrın 18-i ölkəmizdə Milli Musiqi Günü kimi qeyd olunur. Musiqi bayramında 3 ildir ki, Üzeyir Hacıbəylinin xatirəsinə həsr olunan beynəlxalq festival keçirilir. Bu il də sentyabrın 18-dən etibarən Heydər Əliyev Fondunun dəstəyi ilə Azərbaycanda 3-cü Beynəlxalq Musiqi Festivalı başlayır. 12 gün davam edəcək bu tədbirdə dünyanın bir çox tanınmış musiqiçiləri iştirak edəcək. Azərbaycan dövləti musiqinin inkişafına xüsusi diqqət ayırır”.

Azərbaycan Bəstəkarlar İttifaqının sədri, xalq artisti Firəngiz Əlizadə Heydər Əliyev Fondunun təşəbbüsü ilə “Üzeyir dünyası” layihəsi çərçivəsində “Ömür salnaməsi”, “Üzeyir Hacıbəyli ensiklopediyası” kitabları, onun “Bədii və publisistik əsərləri”, “Leyli və Məcnun”, “Koroğlu” operaları, “O olmasın, bu olsun” musiqili komediyasının klavir, libretto və CD-lərinin işıq üzü gördüyünü diqqətə çatdırıb: “Bu gün burada böyük izdiham var. Hamı dahi bəstəkarın ölməz xatirəsini anmaq istəyir. Üzeyir Hacıbəylinin əsərləri hər dəfəsində əzəmətlə səslənir. Onun “Koroğlu” operası TÜRKSOY tərəfindən səhnəyə qoyuldu. Onun əsərləri dünən Almaniyada səsləndi”.

BMA rektoru, xalq artisti Fərhad Bədəlbəyli da bu günün təkcə musiqiçilərin deyil, Azərbaycan xalqının bayramı olduğunu deyib: “Bu gün müqəddəs gündür. Üzeyir bəyin anadan olması xalqımız üçün böyük xoşbəxtlik, o, tanrının bizə bəxşidir. Üzeyir Hacıbəyli olmasaydı, sözsüz ki, Azərbaycan musiqisi belə inkişaf edə bilməzdi”.

Tədbirdə xalq artisti Rauf Abdullayev, dirijor Yalçın Adıgözəlov və digərləri Üzeyir Hacıbəylinin çoxşaxəli yaradıcılığından danışıb, onun musiqimizin inkişafındakı xidmətlərinin əvəzsiz olduğunu deyiblər.

Mərasimdə Üzeyir Hacıbəyli adına Dövlət Simfonik Orkestri, Dövlət Xor Kapellası, Müdafiə Nazirliyinin Nümunəvi Hərbi Orkestrinin ifasında dahi bəstəkarın əsərlərindən parçalar səslənib.

Xatırladaq ki, 18 sentyabr - Milli Musiqi Günü silsilə tədbirlərlə davam edəcək. Azərbaycan Dövlət Filarmoniyasında “Buta” Kamera Xorunun konserti ilə Üzeyir Hacıbəyli adına Beynəlxalq Musiqi Festivalın açılış mərasimi olacaq.

İDMAN XƏBƏR

İncəsənət

Əli İsa Cabbarov AKİ sədrliyindən namizədliyini geri götürüb, işdən çıxmaqla bağlı ərizə yazıb

13:45

28 avqust 2026

Xalq artisti Tofiq Bakıxanov II Fəxri xiyabanda dəfn edilib - <span class="red_color">YENİLƏNİB-2 - <span class="red_color">FOTO

Xalq artisti Tofiq Bakıxanov II Fəxri xiyabanda dəfn edilib - YENİLƏNİB-2 - FOTO

13:17

25 avqust 2026

Xalq artisti Tofiq Bakıxanovla vida mərasimi sabah Təzə Pir məscidində keçiriləcək

21:07

24 avqust 2026

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - <span class="red_color">YENİLƏNİB

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - YENİLƏNİB

08:24

24 avqust 2026

Xəbər Lenti

Tramp Venesuela neftiylə ABŞ-ın Strateji Ehtiyatlarını bərpa edəcək

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

İncəsənət

Milli Musiqi Günü Üzeyir Hacıbəyli adına Bakı Musiqi Akademiyasının qarşısında təntənəli şəkildə qeyd olunub

İncəsənət

Əli İsa Cabbarov AKİ sədrliyindən namizədliyini geri götürüb, işdən çıxmaqla bağlı ərizə yazıb

Xalq artisti Tofiq Bakıxanov II Fəxri xiyabanda dəfn edilib - YENİLƏNİB-2 - FOTO

Xalq artisti Tofiq Bakıxanovla vida mərasimi sabah Təzə Pir məscidində keçiriləcək

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - YENİLƏNİB

Xəbər Lenti

DİQQƏT!

DİQQƏT!

DİQQƏT!