İncəsənət

Ana səhifə

İncəsənət

Azərbaycanın xalq artisti Yaşar Nuri sabah xəstəxanadan çıxacaq

29 sentyabr 2011 12:30 (UTC +04:00)

Bakı. Ülkər Qasımova – APA. “Bir gün yaxşı oluram, səhərisi yenidən pisləşirəm. Amma indi özümü yaxşı hiss edirəm”. Bu sözləri APA-ya açıqlamasında Azərbaycanın xalq artisti, “Şöhrət” ordenli Yaşar Nuri deyib.

Aktyor il ərzində bir neçə dəfə xəstəxanaya düşməsinin səbəbini özünü qorumamaqda görür: “Özümü çox yormuşam, o səbəbdən də belə oldu. Nəfəs çatışmazlığı məni yenidən xəstəxanaya saldı”.

Y. Nuri deyib ki, sabah - sentyabrın 30-da xəstəxanadan çıxacaq: “Artıq yubileyimə hazırlaşmalıyam. Hər birinizi yubiley tədbirində gözləyirəm, bu günün yüksək səviyyədə keçməsini istəyirəm”.

Qeyd edək ki, aktyorun 60 illiyi yubileyi oktyabrın 5-də Akademik Milli Dram Teatrında keçiriləcək.

Xalq artisti Yaşar Nurinin səhhəti sentyabrın 15-də qəflətən pisləşib. Aktyor Dövlət Gömrük Komitəsinin Hospitalının reanimasiya şöbəsinə yerləşdirilib. Xalq artisti ötən ilin sonu, bu ilin əvvəlində Türkiyənin İstanbul Memorial Xəstəxanasında da uzun müddət müalicə olunub.

Yaşar_Nuri